الفكرة بتعمل سكر! كيف تؤثر معتقداتك على صحتك وقراءات السكر؟
هل فكرت قبل كده إنك ممكن تكون بتأذي جسمك من غير ما تاكل؟! كتير من مرضى السكري ومقاومة الإنسولين بيبقوا ملتزمين بالأكل والرياضة، لكن التحاليل مش بتتحسن… ليه؟
الإجابة في كلمة واحدة: الأفكار.
الأفكار السلبية = ضغط مزمن
لما تفضل طول الوقت تقول لنفسك:
“أنا فاشل”، “أنا عمري ما هخف”، “ده مرض مزمن وهعيش بيه”، “مفيش فايده”، “راحت عليا وكبرت خلاص”
الجسم بيسمعك كويس جدًا!
كل فكرة سلبية بتعمل توتر داخلي مستمر،
وده بيزود إفراز الكورتيزول،
واللي بدوره بيرفع مقاومة الإنسولين وسكر الدم… حتى لو ما كلتش سكريات!
المعتقدات المعيقة = سجن صحي
ناس كتير فاكرة إن الشفاء مستحيل، وإن السكري وراثي ولازم يعيشوا بالأدوية طول العمر.
لكن الدراسات الحديثة بتثبت إن تغيير نمط الحياة ممكن يعكس مقاومة الإنسولين.
لو فضلت مؤمن إن الحل بره عنك، هتفضل تايه…
لكن لو بدأت تؤمن إن جسمك بيستجيب ليك،
هتبدأ أول خطوة في طريق التعافي.
ازاي تبدأ تغير أفكارك؟
- راقب كلامك مع نفسك… هل هو فيه شفقة ولا جلد؟
- استبدل العبارات السلبية بإيجابية واقعية:
بدل “أنا عمري ما هتغير” قول “أنا بتعلم خطوة خطوة”. - احضر ورش عمل أو كورسات بتساعدك تفهم علاقتك بجسمك وأفكارك.
الفكرة تغير الهرمون
كل فكرة بتمر في بالك، بتأثر على جهازك العصبي، وبتوصل رسائل لهرموناتك. ولما تغير فكرتك… جسمك بيتنفس وبيبدأ يشتغل بشكل طبيعي.
في المقال الجاي:
هننزل أعمق لمكان دفين فينا… المشاعر،
ونعرف إزاي الحزن والغضب ممكن يبوظوا قراءات السكر بدون ما تاكل نقطة.