بدايـــــة
جـــديـــدة

المحاضرة الأولى رائعة.. ياريت حضرتك تبعتي المحاضرة الثانية .. فسرت عندي بعض الاسئلة .. في تعليق قاله لي واحد كان بيلعب رياضة .. كان مداوم على الجيم .. هو سنه يقارب على الخمسين .. وزنه طبيعي .. لكنه في منصب مدير في شركة و ده مخليه under stress كان بيشتكي كتير من irritable bowel syndrome .. منع معظم منتجات الدقيق لكن كانت حل مؤقت. كان بيحمل نفسه فوق طاقتها في اللعب.. بيقعد ساعة يوميا .. بيسوق مدة ساعة رايح جاي بعد شغله عشان يروح الجيم.. على الرغم من تعبه الشديد لكنه كان مستمر .. لغاية ما وقف بسبب إصابته في وتر في عضلات الذراع .. الان هو له عدة شهور موقف رياضة.. قالي جملة استوقفتني.. قال انا لما كنت بلعب رياضة مكنتش بحس بالجوع لكن الآن انا بقيت بأكل كتير.. فعلا بدأ الآن ياكل حلويات بعد ما كان موقفها الى حد كبير اثناء ممارسته للرياضة . النقطة الثانية .. اننا لازم نتعامل و نعلم الناس ان الشخص المصاب بالسمنة لا يجب معاملته كمذنب لازم يتعاقب .. انا متشوقة لمعرفة كيفية التعامل مع كل نوع .. مع اعتبار ان في حالات فيها كل الانواع الثلاثة

ده ريفيو عن كورس الكوتشنج مع د رحاب الشناوي شوفت الاعلان زي اي حد و حجزت المكالمه اول حاجه لفتت نظري كان اسم بدايه جديده لان ده اللي انا كنت محتاجاه بالظبط بعد وقت كتير ضايع في ظروف و تفاصيل حياتي و حياه اللي حواليا و دوامه دخلت جواها من سنين بعد مكالمه التليفون مع د رحاب قررت اخد الكورس كنت سامعه عن الهيلث كوتشنج بس اول مره ادرسه معلوماتي عن التغذيه كويسه جدا بس محتاجه ابديت و كانت اول مره الاقي ماركتينج مع كورس طبي و تخيلت أنه هيبقى محاضرتين كده نظري عن التسويق بعد ما نخلص الكورس مع بدايه الكورس و مع كل محاضره في الكوتشنج لقيت حاجات بتتغير جوايا حاجات جوايا كانت مطفيه و بتنور و حاجات اتطفت مع الوقت و رجعت تاني الكورس مش بس علشان اقدر اساعد بيه الحالات بتاعي الكورس ساعدني انا شخصيا بصوره ما تخيلتهاش الجزء بتاع التغذيه كمان كان مميز جدا و خصوصا الورش العملي اللي عملناها مع بعض سواء تغذيه أو كوتشنج

احب اشكر حضرتك جدا على تعبك ومجهودك وقبلهم انسانيتك . الكورس كان ممتع لابعد الحدود ،انا اخدت كورسات كتييير جدا قبل كدة بس مشوفتش كورس كامل الدسم 😁 زي الكورس بتاع حضرتك ،اول كورس بيجمع الnutrition بشكل advanced اللى فيه معلومات انا شخصيا اول مرة اسمع عنها و ال health coaching اللى كان مفيد جدا وغير من حياتى وطريقة تعاملى مع نفسى وعيلتى واكيد اقدر اغير بيه حياة اى حد محتاج مساعدة فى تغيير نمط حياته ومن الحاجات الجميلة اللى فيه ال workshops اللى حضرتك عملتيها معانا ،اما بقى ال marketing ده حكاية لوحده والله ده كورس مستقل يتباع بمبلغ محترم جدا شامل كل الادوات اللى محتاجها اى شخص علشان ينجح على السوشيال ميديا . والله بدون مجاملة اى حد عايز ينجح فى مجال التغذية او حتى على الاقل عايز يغير من نمط حياته مش حيلاقى غير الكورس ده يا دكتورة ربنا يكرمك ويوفقك ويجعله فى ميزان حسناتك وانا معاكى فى اى كورس جديد حتعمليه فى المستقبل من غير تفكير ان شاء الله